منتديات عشـاق الحرية
اهلاً بك زائرنا الكريم
اذا كانت هذه زيارتك الاولى فنرجوا التسجيل واذا كنت عضواً لدينا الرجاء تسجيل دخولك


معاً الى طريق الحرية
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

  باب النسيان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشق الحرية
Admin
Admin
avatar

اوف حر
عدد المساهمات : 103
نقاط : 5620
تاريخ التسجيل : 20/07/2010

مُساهمةموضوع: باب النسيان   الثلاثاء يناير 11, 2011 10:06 am




كــل مـافــي الأرض يـنــذر بالـمـفـارق والـغـيـاب
اللقـا .. والشمـس .. وحـروف الرسايـل .. والقبـور
وش بقى يوم أكتشفـت أن آخـر الـدرب السـراب ؟!
والبحـر دمـع لسـواحـل هـاجـرت عنـهـا الطـيـور !
مالحزني صوت ؟ .. مدري هـو خطـأ والا صـواب !
بـس أعـرف أنـي حـزيـن وصـوتـي الليـلـه جـهـور
مـن يدّثـر صـوتـي الليـلـه ويكـسـب لــه ثــواب ؟!
مالـهـا يالشـعـر غـيـرك أنــت .. ياجـبـر الـكـسـور
يكـفـي أنــي .. لابكـيـت بـدونـك أشـعـر بـإرتـيـاب
وكل ماأبكي فيك .. أشوفك لي .. عن اللي فيّ .. سور
أدري بـيـوتـك عـرايــا .. لـكــن أوزانـــك ثـيــاب
لـبّـس جـروحـي مــن أحـزانـك وألبّـسـك الـصـدور
كـــان يـامــا كـــان والنـسـيـان لـلـعـشّـاق بــــاب
عاشـق ٍ لاشـدّ درفـة بــاب .. صــاح بــلا شـعـور :
يقـدر النسـيـان يـنـزع غـصـن مــن فــوق الـتـراب
بــــس مـايـقــدر يــقــرّب لـلـتــراب ولـلــجــذور
كيـف أبنسـى ذكـريـات الطـيـش الأول .. والشـبـاب
ورفـقـة اللـيـل العتيـقـه .. وأول الفـجـر الـطـهـور
والمـواعـيـد وشغـبـهـا .. والـولــه قـبــل الـعـتـاب
وساعـة ٍ كــم كـنـت أحــاول فــي عقاربـهـا تــدور
والمكـان الـلـي وهــن سقـفـه مــن الفـرقـا وشــاب
مــن بـعـد مـاكـان يحضّـنـا مـثــل طـفــل ٍ غـيــور
والمـطـر لا لــوّن الـشــارع .. وقـلـنـا للـسـحـاب :
بـلـلّ أيديـنـا .. تــرى الـعـشّـاق أيـاديـهـم زهـــور
كيـف أبنسـى والـريـاض لسيـرتـي مـثـل الكـتـاب !
حافظتنـي بيـت بـيـت .. و حــي حــي .. و دوُر دوُر
مــن كـثـر ماكـنـت أدوّر فــي شوارعـهـا جــواب :
هو صحيح الحب أعمـى ! أو عيـون النـاس عـور ؟!
كنت أشوف الحـب عـذب .. وهـم يشوفونـه عـذاب !
كـان هــذا الـحـب ســر ! .. وقلـتـه وكـلـي ســرور
علمّـونـي فـــي المـديـنـه كـيــف لاحـبـيـت أهـــاب
لـكـن القـريـه قمـرهـا قــال : كُـــن لـلـحـب نـــور
فـي بـلادي كنـت عاشـق .. بـس شاعـر بإغـتـراب !
ليـن صـرت الشـاعـر الـلـي تعشـقـه كــل البـحـور
علمّيـنـي يالقصـايـد هـــو خـطــأ والا صـــواب ؟!
لارفضـت أنـسـى عـيـون ٍ عشتـهـا شـعـر وشـعـور
هذا أنـا لحالـي .. هزيـل الحـال .. وأشعـر بإكتئـاب
كــن قلـبـي جــال بـحـر ٍ هـاجـرت عـنـه الـطـيـور
أجـرع الفرقـا وأقـول الحـب عــذب .. وللـعـذاب ..
كــل قـلـب ٍ لاحـرمـه الـوقـت مــن خـلّـه .. يـبــور
وليـن هـذا اليـوم أدوّر فـي المديـنـه عــن جــواب :
ليـه فـي شرعـك .. يكـون الحـب معنـى للفجـور ؟!!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://freedomlovers.ahlamontada.com
 
باب النسيان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عشـاق الحرية :: الأقسام الأدبية والإجتماعية :: منتدى الشعر والخواطر :: منتدى الشاعر فهد المساعد-
انتقل الى: