عاشق الحرية
Admin
عدد المساهمات : 103
نقاط : 10310
تاريخ التسجيل : 20/07/2010
 | موضوع: قصيدة الوصية  الثلاثاء يناير 11, 2011 10:04 am | |
|
يالضلـوع اللـي علـى قلبـي توامـا
ريحيـنـي ماحـصـل مـنـي خطـيـه
الخـطـا والله فــي حــق النشـامـا
الرجـال أهـل الشـدايـد والحمـيـه
الخـوي منـهـم يضـيـق ولا ينـامـا
لين يدري وش بـلا ضيقـة خويـه
تقعـد الدنيـا وتـقـوم ولا يضـامـا
واحـدٍ منهـم وشمـس الكـون حـيـه
مثلهـم يشـري عزيـزيـن المقـامـا
مثلهـم يفـدى لــو العـمـر الفـديـه
والا ذاك ان شاع ذكره وان تساما
والله انـي خابـره راعــي رديــه
ذاك يـامـا شـلـت زلاتــه ويـامــا
قلت: عادي حتى لـو يخطـي عليـه
صاحـب وحقـه علـى مثلـي الامـا
ضاقـت ايدينـه فزعـت لـه بيديـه
كانت جروحـي مـن طعونـه تدامـا
وكنـت أحمـل نفسـي حمـولٍ قويـه
ليـن شفـت العمـر قدامـه تـرامـى
وصد عنـي مانشدنـي ويـش فيـه؟
يحسـبـنـي بـاتـجـاهـل واتـعـامـا
مادرى انـي حافـظٍ ذيـك الوصيـه
يـوم ابـوي يقـول والعالـم نيـامـا
ساعـةٍ فيـهـا المـواجـع سرمـديـه
ياعيالـي حتـى لـو صرتـوا يتامـا
المـعـزه تــورث النـفـس الغنـيـه
يالله اجعـل منزلـه بـرد وسـلامـا
واجعلـه فـي عـدن يـارب البريـه
يــوم راح وهرجـتـه فـيّـه تنـامـا
يـوم مـات وذمـتـه كـانـت بـريّـه
| |
|
